22-июнда Тажикстанда өткөрүлө турган референдумга Бириккен Улуттар Уюму өз байкоочуларын жибербейт. Референдумда Тажик конституциясына өзгөртүүлөр киргизилет жана азыркы президент Имомали Рахмоновдун кайрадан президент болуп шайланышына мүмкүнчүлүк берилет. Бириккен Улуттардын өкүлү Владимир Сотировдун айтымында, тажик өкмөтү байкоочу жиберүү өтүнүчү менен аларга өтө эле кеч айрылган.
