Казак парламенти бүгүн өлкөнүн жаңы премьер-министри кылып Даниял Ахметовду бекитти. Парламенттин ылдыйкы палатасында бир гана депутат анын талапкерлигине каршы добуш берди, өйдөкү палата - Сенатта болсо бир гана сенатор добуш бербестен калыс калды. Ахметов буга чейин Павлодар дубанынын акими болуп иштеген. Жерди менчиктештирүү маселеси боюнча парламент менен тил табыша албаган мурдагы премьер Имангали Тасмагамбетов мындан эки күн мурда кызматынан чегинген.
