БИШКЕК. Бүгүн Бишкек шаарынын 125 жылдыгына карата Токтогул Сатылганов атындагы филармонияда салтанаттуу жыйын өттү. Анда президент Аскар Акаев куттуктоо сөзүн сүйлөп, башкалаага «Манас» орденин тапшырды. Салтанаттуу жыйынга мааракеге байланыштуу чакырылган КМШ өлкөлөрүнүн жана башка мамлекеттердин башкалааларынын башчылары да катышты. Коноктордун катарында Москва шаар мэринин орун басары, Киев, Ташкен, Тегеран өңдүү баш калаалардын башчылары, кыргыз өкмөтүнүн мурдагы вице-премьер-министри Борис Силаев бар.
