Италиянын реформа иштери боюнча министри Уберто Босси өлкөнүн аймагына мыйзамсыз келген иммигранттарга каршы катаал чара көрүүгө чакырды. Анын пикиринде, өлкөнүн деңиздеги чек арасына көзөмөл жасоочу кызматына, мыйзамсыз иммигранттарды ташып келе жаткан кемелерге эч кимден уруксаты жок ок чыгарууга уруксат берүү сыяктуу катуу чараларды көрүү керек. Италиялык “Коррьере делла Сера” газетасынын жазышынча, соңку үч күндүн аралыгында Италияга деңиз аркылуу Африка өлкөлөрүнөн минден ашуун иммигранттар келишкен.
