Бельгия жетекчилигинин айтымында, өлкө сотуна АКШ президенти Жорж Буш жана Улуу Британиянын премьер-министри Тони Блэрге каршы доо арыздар түштү. Бирок аларды сотто кароо алдында Бельгия жетекчилиги арыздарды АКШ менен Британиядагы адвокаттарга жиберди. Өлкө мыйзамдары боюнча, аскерий кылмыштар үчүн башка мамлекеттердин жарандарын соттоо мүмкүн жана буга чейин Бельгия сотунда мурдагы америкалык президент Жорж Буш жана азыркы вице-президент Дик Чейни, мамлекеттик катчы Колин Пауэлл менен аскерий башчы генерал Томми Фрэнкске каршы сот иштери ачылган. АКШ жетекчилиги аны катуу сынга алууда.
