Америка Кошмо Штаттарынын атайын өкүлү Жон Волф кечээ күнү Жакынкы Чыгышта Израил жана Палестинанын жетекчилери менен жолугуп, аймакта тынчтык орнотуу боюнча иштелип чыккан жаңы планды талкуулады. Бүгүн Израилге АКШ мамлекеттик катчысы Колин Пауэлл келип, өлкө премьер-министри Ариел Шарон жана андан соң Палестина автономиясынын өкмөт башчысы Махмуд Аббас менен жолугат. "Жол картасы" деп аталган жаңы план боюнча 2005-жылы эгемендүү Палестина мамлекети пайда болууга тийиш, жөөт аскерлери болсо басылып алынган араб жерлеринен чыгарылышы керек.
