Ирактын батыш тарабындагы Фаллужа калаасында АКШлык контингент ээлеген имаратка бирөөлөр граната ыргыткан соң коалициялык аскерлер ал тарапка ок ачышкан. Окуядан эч ким жабыр тарткан эмес, жакын жердеги электрстанцияга гана олуттуу зыян келтирилгени маалым болду. Апрель айында Фаллужадагы демонстрациялар маалында АКШ аскерлери 16 адамды атып өлтүргөндөн бери калаадагы америкалык контингентке бир нече жолу кол салуулар жасалды.
