Дүйнөлүк банк кечээ күнү атайын билдирүү жасап, Өзбекстанга 25 миллион долларлык жаңы насыя бериле турганы жөнүндө билдирди. Бул акча негизинен - өлкөнүн курамындагы Каракалпак автономиялык жумуриятынын айыл чарбасына жумшалат, мисал үчүн Аму Дарыянын боюндагы саз жерлерди кургатууга жана сугат каналдарын курууга пайдаланылат. Каракалпакстан - Борбор Азиядагы эң жакыр аймактардын бири.
