БУУнун Ооганстандагы өкүлү Лахдар Брахиминин билдирүүсүндө калемгерлерди камакта кармагыдай олуттуу деле жүйөө жок экендиги белгиленген. "Афтааб" гезитинин баш редактору жана орун басары ислам динине шек келтирди деген айып менен өткөн шейшемби күнү камалып, бийликти сындап келген басылманын иши токтотулган эле. Журналисттердин куугунтукталышына Ооганстандын Адам укуктары боюнча комиссиясы,Журналисттерди коргоо боюнча Нью-Йоркто жайгашкан эл аралык комитет да нааразылык билдирди.
