Гейдар Алиев расмий түрдө келерки президенттик шайлоого талапкер болуп көргөзүлдү

Гейдар Алиевдин талапкерлигин ал өзү лидерлик кылган "Жаңы Азербайжан" партиясы бүгүн бир добуштан колдоду. Эми ал мамлекет башчылык кызматтын үчүнчү мөөнөтүнө расмий түрдө талапкер болуп катталат. Шайлоо 15-октябрга белгиленген. 80 жаштагы Гейдар Алиевдин саламаттыгы жакшы эмес, быйыл апрель айында, эл алдында телекөрсөтүү түз чагылдырган жыйында сүйлөп жатып, ээсин жоготуп койгон.