Борбор Азия соода жагдайы Ысыккөлдө айтылат

БИШКЕК. Июль айынын алгачкы эки күнүндө Ысыккөлдө «Борбор Азия регионалдык сооданы өнүктүрүү: проблемалар жана кызматташтыктын келечеги» аттуу конференция болот. Ишкердикти өнүктүрүү боюнча эларалык агенттик (ЮСАИД) менен ПРАГМА корпорациясы биргелешип уюштуруп жаткан бул иш чарада регионалдык соода маселелери боюнча жалпы көз караштар талкууланары күтүлүүдө. Беш өлкөнүн ишкерлери менен өкмөт өкүлдөрү катышкан конференцияда биргелешип аткарчу иштердин планы иштелип чыгары болжолдонууда. Конференциянын акырында соода тармагынын Борбор Азия өлкөлөрүндөгү мыйзамдык негиздерине жана региондун соода багытындагы жалпы жагдайына байланыштуу маалымат жыйыны өтөт.