БИШКЕК. Кыргызстандын Венадагы элчилигинин бүгүн тараткан маалыматына караганда, Венгрия өкмөтү июль айынын ичинде Кыргызстанга дары-дармек түрүндө 250 миң евро өлчөмүндө гуманитардык жардам жөнөттү. Бул жардамды Саламаттык сактоо министрлиги менен «Мээрим» фонду алып, Ош, Чүй жана Нарын облустарындагы жаратылыш кырсыктарынан жабыркагандарга таратып беришти.
