ОШ. Жолугушуу «Интерньюстун» Оштогу өкүлчүлүгүндө өттү. Сюзанн Фриз айым Кыргызстандын түштүгүндө журналисттердин ишин караган сот жараяндарына айрыкча кызыкты. Парламент депутаттыгына талапкер Дастан Бердиев тууралуу сын макала жарыялагандыгы үчүн «Баткен таңы» гезитинин редакциясы Дастан Бердиевге сот чечимине ылайык 50 миң сом, 4 журналист биригип 25 миң сом төлөп берүүгө аргасыз болгон. Азыр Эсеп палатасынын мурдагы жооптуу кызматкери Бердибек Апышевдин арызы боюнча оштук журналист Алишер Токсонбаевдин иши сотто каралганы турат. Ушул фактылар жолугушууда кызуу талкууга алынды.
ЮСАИДдин Демократия жана маалымат каражаттарын өнүктүрүү борборунун директору Сюзанн Фриз Ошто журналисттер менен жолукту
