«Кабар» агенттиги эки басылманын бет ачаарын өткөрдү

БИШКЕК. Бүгүн «Кабар» маалымат агенттигинин маалымат-аналитикалык бюллетенинин жана орусиялык «Союзная газетанын» бет ачаары болду. Агенттиктин директору Кубанычбек Таабалдиевдин айтымында, бюллетень оперативдүү маалыматтарды жана аналитикалык макалаларды жарыялап, ай сайын 150 нуска менен чыгат да, күздөн тартып журнал катары жарык көрө баштайт. Ал элчиликтерге, эл аралык уюмдарга жана мамлекеттик органдарга таратылат. Ал эми «Кабардын» техникалык колдоосунда чыгып жаткан, «Бирдиктүү Русь» коомдук бирикмесине таандык «Союзная газета» Кыргызстандын турмушуна атайын бет арнап, өлкөдө 3 миң нускада таратылат. Гезиттин Кыргызстандагы редактору - журналист Альберт Богданов.


Кабарлар топтомун Бишкектен даярдагандар – Бурулкан Сарыгулова жана Кубат Оторбаев

Редактор – Жыргалбек Касаболотов