Шаардын түндүк бөлүгүндө америкалыктардын аскер базасы аткыланды. Ал эми Басрада британдык бир солдат оор жарадар болду. Коалициялык командачылык Саддам Хусейндин куралдуу тарапкерлери тууралуу маалыматтарга сыйлык белгиледи.Командачылык кол салуу акцияларын Саддамдын тарапкерлери уюштуруп жаткандыгынан шек санашпайт. Бүгүн Ливандын “ал-Хаят” телеканалы Саддам Хусейндин дагы бир үн тасмасын угузду. Анда коалициянын талкаланар күнү жакындап калганы айтылат. Тасманы Катардын “ал-Жазира” телеканалы да кайталап угузду.
