Алдыдагы эки жуманын ичинде миң жоокерден турган чет элдик бейпилдик күчтөрү Либерияга жөнөтүлөт. Мындай чечим кечээ батыш Африка мамлекет жетекчилери менен Бириккен Улуттар уюмунун башкы катчысы Кофи Аннандын Мозамбиктеги жолугушуусунда кабылданды. Ага чейин Либерияга АКШнын аскерий эксперттери барып, ал жердеги абалды иликтешет. Бейпилдик күчтөрү Либерияда акыркы он төрт жылдан бери басылбай жаткан жарандык согушту басып, коопсуздук чараларын көрүү үчүн жиберилет.
