Ирандын жогорку лидери Аятолла Али Хаменейи бүгүн жаңы «Шахаб-3» ракетасын кызматка киргизүү боюнча бет ачар аземге катышып, Ирандын куралдуу күчтөрү өз максаттарын каерде болбосун коргоого жөндөмдүүлүгүн билдирди. Ирандын ракетасы 1300 чакырымга жеткендиктен, ал Израилге сокку ура алат. Израилдин тышкы иштер министрлигинин басма сөз катчысы Давид Шарангдын айтымында, Ирандын өзөктүк курал программасы Израилге эле эмес, жалпы Европага коркунуч туудурат.
