БИШКЕК. Бүгүн Акыйкатчынын борбордук кеңсесинде Бириккен Улуттар Уюмунун Өнүктүрүү Программасынын көмөгү менен маалымат-ресурстук борбор ачылды. Борбордун ачылуу аземине катышкан БУУнун өкүлү Давид Акопян менен Акыйкатчы Турсунбай Бакир уулу сөз сүйлөшүп, борбордун ачылышы менен Кыргызстандагы бардык атуулдар адам укугу боюнча маалыматтарды алууга жакшы мүмкүнчүлүк алышканын белгилешти. Борбордогу китептерден, басылмалардан жана Интернеттен бейөкмөт уюмдардын, мамлекеттик мекеме-уюмдардын өкүлдөрү жана журналисттер адам укугун коргоого байланыштуу маалыматтарды бекер ала алышат.
