Алар Ооганстандын улуттук армиясынын жоокерлери АКШ аскерлеринин колдоосу астында өлкөнүн түштүк-чыгыш аймактарында жүргүзүп жаткан алгачкы операция учурунда кармалды. Улуттук армиянын 1000дей жоокери түштүктөгү Пактия провинциясында талибдерди издөөдө. Кечээ Гилменд провинциясында кызматта жүргөн жергиликтүү алты полицей киши колдуу болгон. Маалыматтарга караганда, алар буктурмада калышкан. Бул кандуу окуянын артында талибдер турат деп болжолдонууда.
