ОШ. Өткөн айда облус боюнча 206 адам ВИЧ-инфекциясын жуктуруп алышкан деп катталып келсе, июль айынын аягындагы анализдер көрсөткөндөй ВИЧ-инфекция жуктурган адамдардын саны 211ге өстү. Бешөө тең адаттагыдай эле баңгизатты ийне аркылуу кабыл алып жаткан кезде бул өнөгөсүз ооруга чалдыкканы аныкталган. Бирок ВИЧ-инфекция жуктурган эки адам Ош шаарынан табылбай жатат. Тапшырган анализдеринен ВИЧ-инфекциясы аныкталгандан кийин дарыгерлер издөө салышса экөө тең учурда соода иштери менен Орусияга кеткендиги, ал жакта бирок так дареги жоктугу ырасталды.
