Түркиянын ички иштер министрлигинин Анкара шаарындагы окуу борборунда бомба жарылып, андан коопсуздук кызматынын 16 өкүлү жарат алды. Министрликтин имаратына эки бомба коюлуп, анын бири жарылган экен. Экинчисин адистер зыянсыздандырышты. Түркиянын бийлиги бул терракт солчул күчтөрдүн колунан келген болуу керек деп божомолдоп жаткандыгын, бирок, алардын атагын чыгарбаш үчүн азырынча ысымдарын атабай тургандыгын билдирди.
