Пакистандын түндүк-батышындагы айылдардын бириндеги жарылуудан жана андан чыккан өрттөн 45 киши (алардын ичинде көбү аялдар жана балдар) каза болду. 10дон ашуун адам дайынсыз жоголуп, бир тобу жаракат алды. Маалыматка караганда, жолго иштетилчү жардыргыч заттар сакталган кампада өрт чыгып, андан кийин жарылуу болгон. Өрт электр зымынан чыккан учкундан башталган деген божомол айтылууда.
