Бүгүн Улуу Британиянын коргоо министринин окумуштуу адиси Дэвид Келлинин сөөгү жерге коюлат. Дэвид Келли Иракка согуш ачууга негиз берген маалыматтар боюнча Улуу Британия өкмөтүндө чыккан чатакта андай маалымат берген адам болуу керек деп шектелгенден кийин өзүн-өзү өлтүргөн. Азыр анын өлүмүнүн себептерин лорд Хаттон жетектеген комиссия иликтеп, сотко көрсөтмө берүүгө премьер министр Тони Блэр да чакырылаары жарыяланган. Чатак болсо Би-Би-Си телевидениеси “Ирак массалык кыргын салуучу куралдарын 45 мүнөттүн ичинде даяр кыла алат” деген маалымат апыртылган” деп кабарлагандан кийин чыккан.
