Европада быйыл жай ысык болуп, андан жабыр тарткан адамдардын саны өсүүдө. Өткөн сутка ичинде Португалияда 14, Испанияда 14 адам, Германияда төрт адам каза болду. Ысыктан улам Франция, Португалия, Испания, Хорватия, Польшадагы токойлор өрттөнүүдө. Португалиянын бийлиги өзгөчө кырдаал жарыялап, дүйнө коомчулугунан жардам берүүнү өтүндү. Азыр Францияда ысык 40 градуска жетти. Синоптиктердин айтымында, мындай ысык бул жерде экинчи дүйнөлүк согуштан бери, ал эми Словенияда жүз жылдан бери боло элек болчу.
