ЖАЛАЛАБАД. Омбудсмендин сектор башчысы башкарган адам укугун коргоочулар менен бейөкмөт, коомдук уюмдардын өкүлдөрүнөн турган комиссия апрель айында «Республика» жана «Дело №» «Өлүмгө карай шукшурулуу» деген макаладагы фактылардын чын-төгүнүн, бейтаптар укугунун сакталышын, ооруканадагы абалды иликтейт. Акыйкатчынын өкүлү Кушназар Камытов комиссияга түрдүү тоскоолдук, коркутуу-үркүтүүгө карабай текшерүүнү аягына чыгарууну тапшырды. Текшерүү жүрүшүн күн сайын коомчулукка маалымдоону милдеттендирди. Облакимчиликтин эксперттери ооруканада иш жакшы, саламаттык сактоо реформасы туура жүрүп жатат деп эсептешет.