Үчүнчү элдик курултайга президентке жана премьер-министрге чакыруу жөнөтүлдү

БИШКЕК. «А.Акаевди кызматтан кетирүү жана эл үчүн реформа жасоо» кыймылы бүгүн мамлекет башчысы Аскар Акаевге жана өкмөт башчысы Николай Танаевге кат жолдоду. Катта кыймыл аларды 23-августта Жалалабад облусунун Аксы районунда өтө турган Үчүнчү элдик курултайга катышууга чакырды. Ошондой эле курултайга чакыруу Жогорку Кеңештин эки палатасынын төрагаларына, саясий партиялардын, бейөкмөт уюмдардын жетекчилерине, ЕККУнун Бишкектеги өкүлчүлүгүнө жана элчиликтерге жөнөтүлдү. Бул тууралуу бүгүн курултайды өткөрүү боюнча жумушчу топ кабарлады.