Маселен атомдук электростанциялардын сууну муздатуу системасы кадимки калыбында иштей албай жатат. Ушундан улам Франциянын өкмөтү "Electricite de France" компаниясына ага караштуу 19 атомдук электростанцияда реакторлорду муздатуу үчүн колдонулган сууну дарыяларга төгүүгө уруксат берди. Кабарларга караганда, Германия менен Голландияда атомдук электростанциялардын кубаттуулугу алдыда да төмөндөтүлүшү мүмкүн. Франция, Италия, Испания, Португалияда токой өрттөрү токтой элек. Дарыгерлердин айтымында, Францияда ысыктын айынан 100дөн ашуун киши көз жумду.
