Африканын Либерия өлкөсүнө эл аралык бейпилдик күчтөрү киргизилгенден кийин оппозициянын аскерлери кечээ күнү борбор калаа Монровия шаарынан чыгарыла баштады жана бүгүн шаардын миңдеген тургундары Монровиядан чыгып, айыл-кыштактарда азык-түлүк издөөдө. Шаар бир ай бою курчоодо кармалган, ал эми өлкө президенти Чарльз Тейлор эл аралык коомчулуктун басымы алдында 11-августта кызматынан чегинип, өлкөдөн чыгып кеткен.
