Бириккен Улуттардын Качкындар боюнча жогорку комиссариаты 15-августта - Чеченстандагы абал тууралуу тынчсыздануусун билдирди. Комиссариаттын басма сөз катчысы Крис Яновскийдин айтымында, акыркы эки аптанын ичинде орус бийлиги - кошуна Ингушетиядагы айылдардан эки жүзгө жакын чеченди күч менен Чеченстанга көчүрүүгө аракеттенген. Анткен менен, белгисиз себептерден улам алар эки-үч күндөн кийин кайрадан Ингушетияга кайтарылган, бирок мурда жашаган үйлөрүнөн айрылган. 5-октябрда Чеченстанда президенттик шайлоо өткөрүлөт жана ага чейин Маскөө бардык качкындар айылдарын жок кылууга аракеттенүүдө.
