Бириккен Улуттардын коопсуздук маселелери боюнча комитетинин айтымында, 19-августта Багдадда болгон окуя кылдат тергелүүгө тийиш, анткени уюмдун шаардагы кеңсеси жакшы кайтарылган эмес. Ирактын Бириккен Улуттардагы мурдагы элчиси Мухаммед Дуринин айтымында, Сержио Виейра ди Меллонун өлүмү үчүн Иракты басып алган Америка Кошмо Штаттары күнөөлүү. Бириккен Улуттардын адам укуктары боюнча комитетинин мурдагы төрайымы Мэри Робинсондун айтымында, Ирак боюнча жаңы резолюция кабыл алып, уюмдун өлкөдөгү абалын күчтөнтүш керек.
