"Интерфакс" маалымдоо агенттиги кечээ кечинде Чеченстандын борбору Грозныйдын чет жагында бараткан машине жардырылып, андагы 9 орус аскери курман болуп, дагы экөө жараат алышканын кабарлады. Маалыматка караганда, жасалма бомба жолдун четине токтотулган жеңил машинеге катылып, анын жанына аскердик унаа чукулдап калганда жардырылган. Чечен сепаратисттери октябрь айынын башына белгиленген Чеченстандагы президенттик шайлоо алдында федералдык күчтөргө каршы чабуулдарын күчөтө баштады.
