Ал жердеги Забул провинциясынын өкүлү Халил Отак Ассошиэйтед пресс агенттигине кагылышуулар Чинаран жана Лазарб тоолорунун арасында жүрүп жатканын, талибдер кечээтен бери 35 согушкерин жоготконун маалымдаган. Пакистандын чек арасына тушташ Спин Болдак калаасында да өткөн түнү ооган өкмөтүнүн эки кайгуул жайына кол салуу болгону, бул аймактарда атышуулар дагы эле уланып жатканы маалымдалды.
Ооганстандын түштүгүндө талиб согушкерлери менен болгон салгылашта бир америкалык жоокер набыт болду.
