БИШКЕК. Премьер-министр Николай Танаев депутаттардын сунушуна ылайык бүгүн өлкөнүн өткөн 8 айдагы социалдык-экономикалык абалы боюнча Жогорку Кеңештин Мыйзам чыгаруу жыйынына маалымат берди. Палатада бул күнү өлкөнүн социалдык-экономикалык жагдайы боюнча талкуу башталды. Жайкы эс алуу учурунда округдарды кыдырган депутаттардын ар бири жер-жерлердеги жагдай тууралуу отурумда маалымат берүүнү ылайык көрүштү. Сөз сураган депутаттардын саны бул күнү 40ка жакын болду. Палатанын отурумуна өкмөт мүчөлөрүнүн басымдуу бөлүгү катышты.