БИШКЕК. Жогорку Кеңештин Мыйзам чыгаруу жыйынында депутаттык топтор менен фракциялар кайрадан палатанын каттоосунан өтө башташты. Бүгүн палатанын отурумунда «Биримдик» аттуу депутаттык топ каттоодон өттү. Бул депутаттык топко Турдакун Усубалиев, Иса Токоев, Акбөкөн Таштанбеков, Борис Гогаев, Асан Раимкулов жана башка депутаттар кирди. Депутаттык топтун башында Махмуд Күчүков турат. Мыйзам чыгаруу жыйынында «Кыргызстан региондору», «Эл үчүн», «Оң Ордо», «Коммунисттер», «Атамекен» жана башка депутаттык топтор менен фракциялар бар.
