Сирия АКШ менен белгилүү шартта кызматташканга даяр

ДАМАСК. Сириянын тышкы иштер министри Фарук аш-Шара Дамаск АКШ менен белгилүү шартта гана кызматташканга даяр экенин билдирди. Бул билдирүү АКШнын тышкы иштер министри Колин Пауэл: "эгерде Сирия АКШ менен жакшы мамиледе болгусу келсе, Вашингтон менен жигердүү кызматашуусу керек", - деп айткандан кийин жасалып отурат. Бүгүн Дамаскта Еврошериктештиктин комиссары Крис Паттен менен өткөргөн прессконференцияда аш-Шара Сирия Кошмо Штаттар менен орток алакасы логикага жана реалдуулукка жарашканда гана кызматташа турганын билдирди. Пауэлл согушкерлердин чек арадан өтүп, Иракка кирүүсүнө Сирия жетиштүү бөгөт койбой жатат деп айыптаган.