Араб өлкөлөрү Бириккен улуттардын Коопсуздук Кеңешинде өтпөй калган Израилден палестин лидери Ясир Арафатты башка жакка кууп кетирүү аракеттерин токтотууну талап кылган резолюцияны эми Башкы ассамблеянын кароосуна сунуш кылышты. Коопсуздук Кеңешинде бул чечимге палестиндердин террорчул уюмдарын айыптаган сөздөр кирбей калган деп АКШ каршы чыккан. БУУнун Башкы ассамблеясынын резолюциясы милдеттүү түрдө аткарылчу документ эмес. Ал учурда жөөт аскерлери эки палестин согушкердин үйлөрүн талкалаганы кабарланды.
