Ирактын мурдагы коргоо министри генерал Султан Хашим Ахмед 19-сентябрда америкалык аскерлерге багынып берди. Америкалыктар издөө салган 55 жогорку жетекчинин тизмесинде ал 27-орунга коюлган. Азыркы күнгө карата, изделгендердин кыркка жакыны же колго түштү, же өлтүрүлдү. 20-сентябрга караган түнү болсо Тикрит шаарынын алдында оор салгылашуу болуп, америкалыктар элүүгө жакын согушкерди туткунга алды, үч америкалык солдат курман болду.
