Латвиянын эли өлкөнүн Европа Союзуна кошулушун жактырган референдумду майрамдашты

Премьер-министр Ейнарс Репсе Риганын борбордук аянтында чогулган 2 миң чакты жаштарды куттуктады. Расмий эсепке ылайык, кечээ шайлоочулардын 67 пайызы Евросоюзга мүчө болууну жакташса, 32 пайызы тескери добуш беришти. Добуш берүүгө шайлоочулардын 72 пайызы келди.
Европа комиссиясы Латвияны референдумдун оң жыйынтыгы менен куттуктап, билдирүү таркатты.