БИШКЕК. 3-октябрдан 7-октябрга чейин Бишкектин Спорт сарайында «Бишкек-2003» аттуу эл аралык көргөзмө-жармаңке болот. Бул тууралуу бүгүн «Кыргызинтерэкспо» көргөзмө борборунун төрагасы Шамил Рысалиев кабарлады. Анын маалыматына караганда, көргөзмө-жармаңкеге Түркиянын, Орусиянын, Индиянын, Беларустун, Германиянын, Италиянын, Казакстандын жана Кыргызстандын 156 фирмасы катышат. Көргөзмө-жармаңкенин алкагында товардык белги, код штрихтери боюнча семинарлар, укуктук маалымат боюнча практикалык окуулар өткөрүлөт. Мындай эл аралык биринчи жармаңке Бишкекте быйыл апрель айында болгон.
Кабарлар топтомун Бишкектен даярдагандар – Бүбүкан Досалиева жана Бакыт Аманбаев
Редактор – Жыргалбек Касаболотов
Кабарлар топтомун Бишкектен даярдагандар – Бүбүкан Досалиева жана Бакыт Аманбаев
Редактор – Жыргалбек Касаболотов