ДУБАЙ. Бириккен Араб Эмирликтеринин баш калаасында Эл Аралык Валюта кору менен Дүйнөлүк Банктын жетекчилигинин жылдык кеңешмеси соңуна чыкты.Жыйында Ирактын экономикасын калыбына келтирүүгө байланышкан маселелер талкууланды. Валюта корунун башчысы Хорст Көлер дүйнө лидерлерине кайрылып, Ирак боюнча талаш-тартыштарды тезирээк жөнгө салып, өлкөнү кайра калыбына келтирүү иштерин баштоого мүмкүндүк берүүгө чакырды. Дүйнөлүк банктын жетекчиси Жеймс Вулфенсон Ирактын өкүлдөрү менен жолугушуп, өлкөнү кайра куруунун болжолдуу чыгымдарын талкуулады.
Дүйнөлүк банк менен Валюта кору дүйнө лидерлерин Ирак боюнча орток пикирге келүүгө чакырышты
