НЬЮ ЙОРК. Президент Владимир Путиндин Нью-Йоркко келгендиги кабарланды. Бүгүн Орусиянын президенти Нью-Йорктун өрт өчүргүчтөр академиясында болуп, орусиялык жана америкалык өрт өчүргүчтөрдүн биргелешкен машыгуусун көрөт. Ал ошондой эле 2001-жылы 11-сентябрдагы терактта курман болгон өрт өчүргүчтөрдүн мемориалдык эстелигинде болот. Эртең Путин Улуттар Уюмунун Жалпы Ассамблеясында сөз сүйлөйт ал эми жума жана ишемби күндөрү Кэмп Дэвиддеги резиденцияда президент Жорж Буш менен жолугушат.
