Ирактын Мосул шаарындагы бир кинотеатрда кечээ күнү жарылуу болуп, эки адам өлүп, дагы 14 киши жараат алды. Полициянын айтымында, белгисиз бирөөлөр кинотеатрга граната ыргытып жиберген. Тикрит шаарынын алдында болсо, америкалык аскерлер белгисиз куралчандар менен кагылышып, тогуз согушкерди өлтүрдү. Акыркы бир айда орун алган бул эң ири кагылышуу болду. Борбор калаа Багдаддын түндүгүндө болсо кечээ күнү кечинде бомба жарылып, бир карапайым адам өлүп, дагы 20 киши жарадар болду.
