Ак үйдүн өкүлдөрү ырасташкандай, Жорж Буш менен Владимир Путин негизинен терроризмге каршы күрөшүү темасын, Ирактагы жана Жакынкы Чыгыштагы жагдайды, ошондой эле Ирандын атомдук программасын талкуулашат. Америкалык тарап буга чейин эле Россия менен Ирандын атомдук технологиялар чөйрөсүндөгү кызматташтыгына камтамачылык билдирип келген эле. Нью-Йоркто БУУнун башкы ассамблеясына келген Ирандын тышкы иштер министри Камал Харрази Тегерандын аскерий атомдук программасы жоктугун айтып, ал эми тынчтык максаттагы иштерди токтотпой тургандыгын билдирди.
