БИШКЕК. Бейөкмөт уюмдар менен маалымат каражаттарынын кызматташтыгына арналган «тегерек үстөл» талкуусу бүгүн Бишкекте «Интербилим» борборунун демилгеси менен өттү. Ага өлкөнүн ар тарабында иштеп жаткан бейөкмөт уюмдардын 40тай өкүлү катышты. Алар маалымат каражаттары менен кызматташуунун жолдоруна, маданиятына көңүл бурушту. Талкууга катышкандардын бир тобу жер-жерлерге гезит-журналдардын, телеберүүлөр менен радиоуктуруулардын жетпей жаткандыгын белгилешти.
