ПРАГА. Бүгүн Прага шаарында түркмөн оппозициясынын үч күндүк конференциясы башталды. Оппозиция президент Сапармурад Ниязовго эл аралык кысмак көрсөтүп, жумуриятта реформаларды өткөрүүнүн стратегиясын талкуулайт. Түркмөн оппозициясынын ири бөлүгү азыр чет элде жашаганга мажбур. Түркмөнстанда жашаган оппозиция мүчөлөрү болсо - түрмөдө, же үй камагында. ЕККУ, Эл Аралык Мунапыс уюму менен Орусиянын Мамдумасы август айында түрмөн президенти Сапармурад Ниязовду жумуриятта адам укуктарын тебелеп-тепсеп жаткандыгы үчүн сынга алышкан.
