ТЕГЕРАН. Эл Аралык Атомдук Энергия Агенттигинин башчысы Ирандан агенттик менен кызматташуусун талап кылды. Иранга Улуттар Уюмунун атомдук көзөмөлдөө мекемеси берген акыркы мөөнөт 31-октябрда соңуна чыгат. Эл Барадейи Эл аралык коомчулук Ирандын жүрүм-турумуна нааразы экенин белгилеп, маселе акыры Коопсуздук кеңешинин кароосуна берилиши мүмкүн экенин билдирди. 12-сентябрдагы жыйында МАГАТЭ Ирандан атомдук курал жасоо аракеттерине байланыштуу баардык суроолорго жооп берүүсүн өтүнүп, 31-октябрга чейин убакыт берген.