Ирактагы америкалык аскерлерге өргүү сунуш кылына баштады

Өргүүгө оболу Перс булуңуна эки жыл илгери келишкен Үчүнчү мотоаткычтар дивизиясынын деңиз аскерлери менен жоокерлери чыгышат.
Алар Ирак согушу башталардан мурда Кувейтте атайын машыгуудан өтүшкөн. Пентагон буга дейре Ирактагы кырдаалга жана башка өлкөлөр Улуттар Уюмунун атайын мандатын күтүп, Иракка аскер жөнөтүүнү кечеңдеткенге байланыштуу өргүү мөөнөтүн кийинге жылдырып келген.