БИШКЕК. 2004-жылдын ноябрь айында Кыргызстанда Орусиянын маданият күндөрү болот. Бул тууралуу бүгүн «Кабар» маалымат агенттигинде өткөн басма сөз жыйынында билим берүү жана маданият министри Ишенгүл Болжурова билдирди. Анын сөзүнө караганда, бул Орусиянын маданият министри Михаил Швыдкой менен жолугушуу учурунда макулдашылды. Ишенгүл Болжурованын айтымында, Орусиянын Кыргызстандагы маданият күндөрү Бишкекте гана эмес, Кыргызстандын түндүк жана түштүк аймактарында болуп, ага Орусиянын атактуу өнөрпоздору катышат. Ал эми Кыргызстандын Орусиядагы маданият күндөрүн өткөрүүгө Орусия 9 млн. рубль сарптады.
