БАТКЕН. Бүгүн облустук биргелешкен оорукананын жугуштуу оорулар бөлүмүнө ич келтенин белгиси бар 5 киши жаткырылды. Буга чейин да ушундай шек саноо менен айылдын эки тургуну ооруканага жаткырылган. Ал эми облустук биргелешкен оорукананын жетекчилери бул тууралуу маалымат берүүдөн баш тартышканы менен, аны төгүндөй алышкан жок. Илдеттин чыгышына Чоңталаа айылында бир айдан ашуун убакыт бою суу түтүктөрү иштебей, эл арыктан алып суу ичкени себеп болгон дешет.
