Бириккен Улуттар Уюмунун Башкы Ассамблеясында сөз сүйлөгөн тажик президенти Эмомали Рахмонов баңги заттарын ташууга каршы глобалдык өнөктөштүктү түзүүнү сунуштады. Анын айтымында, БУУнун Баш катчысы ал өнөктөштүктү координациялап, Баңги заттарын көзөмөлдөө боюнча агенттиги турмушка ашырса максатка ылайыктуу болот. Тажикстан Ооганстандан баңги заттарын ташуунун борбордук жолуна айланууда жана эл аралык кеңири кызматташуусуз ал жолду тосуу кыйын, дейт тажик президенти.
